విశాఖ: అంగరంగ వైభవంగా అప్పన్న కల్యాణం

సింహాచలంలో శ్రీ వరాహ లక్ష్మీనరసింహస్వామి వారి నిత్య కల్యాణం శనివారం అత్యంత వైభవంగా జరిగింది. ఆర్జిత సేవల్లో భాగంగా అర్చక స్వాములు ఉత్సవమూర్తి గోవిందరాజస్వామిని ఉభయ దేవేరులతో మండపంలో కొలువుదీర్చారు. నిత్య కల్యాణంలో పాల్గొన్న భక్తుల గోత్రనామాలతో సంకల్పం చెప్పి, పాంచరాత్రాగమశాస్త్ర విధానంలో విశ్వక్సేనారాధన, పుణ్యాహవచనాలతో కార్యక్రమాన్ని ప్రారంభించారు. కంకణధారణ కమనీయంగా నిర్వహించారు.