పెనుమంట్ర: బెల్ట్ షాపు నిర్వాహకుడు అరెస్ట్

తణుకు ప్రొహిబిషన్, ఎక్సైజ్ శాఖ ఆధ్వర్యంలో గురువారం నిర్వహించిన దాడుల్లో పెనుమంట్ర మండలం ఎస్. ఇలింద్రపురంలో బెల్టు షాపు నిర్వహిస్తున్న గుబ్బల వెంకట సత్యనారాయణ(53)ని అరెస్టు చేసినట్లు ఎక్సైజ్ ఇన్స్పెక్టర్ ఎస్. మణికంఠ రెడ్డి తెలిపారు. ఈ సందర్భంగా అతని వద్ద నుండి 20 బాటిల్స్ మద్యాన్ని స్వాధీనం చేసుకున్నామన్నారు. అలాగే గ్రామాల్లో బెల్టు షాపులు నిర్వహిస్తే కఠిన చర్యలు తప్పవని హెచ్చరించారు.