మహిళపై దాడి.. నలుగురిపై కేసు నమోదు

అత్తిలి మండలం ఈడూరు ఉప్పరగూడెంకు చెందిన నంద్యాల రామలక్ష్మి కుటుంబానికి, నంద్యాల రాముడు కుటుంబానికి ఇంటి సరిహద్దు విషయంలో తగాదాలున్నాయి. ఈ నెల 2న రామలక్ష్మిని నంద్యాల రాముడు, రమణ, నాగదుర్గ, వెంకన్నలు తీవ్రంగా గాయపరిచి పారిపోయారు. గాయపడిన ఆమెను ప్రభుత్వ ఆసుపత్రికి తరలించారు. బాధితురాలు ఇచ్చిన ఫిర్యాదు మేరకు గురువారం కేసు నమోదు చేసి దర్యాప్తు చేస్తున్నట్లు ఎస్సై ప్రేమరాజు తెలిపారు.