రైల్వే స్టేషన్‌లో తొక్కిసలాట.. తొమ్మిదిమందికి గాయాలు

ముంబైలోని బాంద్రా టెర్మినల్ రైల్వే స్టేషన్‌లో ఆదివారం తొక్కిసలాట చోటు చేసుకుంది. ఈ ఘటనలో 9 మంది గాయపడ్డారు. ఒకటో నంబర్ ప్లాట్‌ఫారంపై ఉన్న బాంద్రా-గోరఖ్‌పూర్ ఎక్స్‌ప్రెస్‌ రైలు ఎక్కేందుకు ప్రయాణికులంతా ఒక్కసారిగా పోటీ పడటంతో ఈ ప్రమాదం జరిగింది. బృహన్‌ముంబై మున్సిపల్ కార్పొరేషన్ అధికారుల వివరాల ప్రకారం.. తొక్కిసలాటలో గాయపడిన వారిని భాభా ఆస్పత్రికి తరలించారు. వీరిలో ఇద్దరి పరిస్థితి విషమంగా ఉన్నట్లు తెలుస్తోంది.