పోలీసులపై ఆసిఫాబాద్ ఎమ్మెల్యే ఫైర్

ఆసిఫాబాద్ ఎమ్మెల్యే కోవలక్ష్మి పోలీసులపై ఫైర్ అయ్యారు. ఆదివారం రాత్రి ఆసిఫాబాద్‌లోని గుండి బైపాస్ వద్ద పోలీసులు డ్రంక్ అండ్ డ్రైవ్ టెస్టులు నిర్వహించారు. తనిఖీల్లో మద్యం తాగి ఉన్న పలువురు వాహనదారులను పట్టుకుని వారికి జరిమానా విధించి వాహనాలు సీజ్ చేశారు. అదే సమయంలో అటుగా వెళ్తున్న ఎమ్మెల్యే కారు ఆపి వచ్చి వైన్స్ దగ్గర డ్రంక్ అండ్ డ్రైవ్ టెస్టులు ఏంటని, వాహనాలను తిరిగి ఇవ్వాలని హెచ్చరించారు.