సన్న బియంపై దుష్ప్రచారం.. ఫేక్ వీడియోలు షేర్ చేస్తే చర్యలు

తెలంగాణ ప్రభుత్వం ప్రతిష్టాత్మకంగా అమలు చేస్తున్న సన్న బియ్యం పంపిణీ పథకంలో ఊహించని మలుపు చోటు చేసుకుంది. సన్న బియ్యంలో ప్లాస్టిక్ కలిసిందని సామాజిక మాధ్యమాల్లో తప్పుడు ప్రచారం జరిగుతోంది. ఈ పథకంపై దుష్ప్రచారం మొదలైందంటూ అధికార యంత్రాంగం తీవ్రంగా స్పందించింది. నిరాధారమైన వీడియోలు షేర్ చేసే వారిపై కఠిన చర్యలు తీసుకుంటామన్న హెచ్చరికలు జారీ చేసింది. బియ్యం నాణ్యతపై ప్రజలకు అనుమానం ఉంటే అధికార వెబ్ సైట్ లో ఫిర్యాదు చేయాలని సూచించింది.