తెలంగాణ రాష్ట్రంలో బర్డ్ ఫ్లూ కలకలం రేపింది. నిజామాబాద్ జిల్లాలోని పొతంగల్ మండలం చేతన నగర్ శివారులోని ఓ పౌల్ట్రీలో రెండు రోజుల్లో సుమారు 5 వేలకు పైగా కోళ్లు మృత్యువాత పడ్డాయి. కోళ్ల ఫామ్ను లీజుకు తీసుకున్నానని, కోళ్ల మృతితో రూ.7 లక్షల వరకు నష్టపోయానని నిర్వాహకుడు రవి ఆవేదన వ్యక్తం చేశాడు. కోళ్ల మరణానికి బర్డ్ ఫ్లూ కారణమన్న సందేహంతో అధికారులకు సమాచారం ఇచ్చాడు. వారు వచ్చి నమూనాలు సేకరించారు.