వివాదంలో బీఆర్ఎస్ ఎమ్మెల్యే

హుజురాబాద్ బీఆర్ఎస్ ఎమ్మెల్యే పాడి కౌశిక్ రెడ్డి మరో వివాదంలో చిక్కుకున్నారు. ప్రముఖ పుణ్యక్షేత్రం యాదగిరిగుట్ట కొండపై శ్రీ లక్ష్మినరసింహస్వామి ఆలయం ప్రాంగణం..పరిసరాల్లో ఎమ్మెల్యే కౌశిక్ రెడ్డి, తన సతీమణి, కూతురుతో కలిసి రీల్స్ చేశారు. సంబంధిత రీల్స్ వీడియోలు కౌశిక్ రెడ్డి ఫేస్ బుక్‌లో పెట్టగా అవి వైరల్ గా మారడంతో ఈ విషయం వెలుగు చూసింది. పవిత్ర ఆలయ ప్రాంగణంలో ఆలయ నిబంధనలకు విరుద్దంగా ఎమ్మెల్యే హోదాలో ఉన్న కౌశిక్ రెడ్డి రీల్స్ చేయడం పట్ల విమర్శలు వ్యక్తమవుతున్నాయి.