ఉద్యోగుల పనివేళల పరిమితిలో మార్పులు

ఈజ్ ఆఫ్ డూయింగ్ బిజినెస్‌లో భాగంగా వాణిజ్య కేంద్రాల్లో ఉద్యోగుల పనివేళల పరిమితిని తెలంగాణ ప్రభుత్వం సవరించింది. రోజుకు 10 గంటల వరకు పని చేసేందుకు అనుమతిస్తూ ఉత్తర్వులు జారీ చేసింది. వారంలో పనివేళలు 48 గంటలు మించరాదని స్పష్టం చేసింది. పరిమితి దాటితే ఓటీ వేతనం చెల్లించాలని ఉత్తర్వుల్లో పేర్కొంది. రోజులో 6 గంటల్లో కనీసం అరగంట విశ్రాంతి ఇవ్వాలని, దాంతో కలిపి 12 గంటల కంటే ఎక్కువ పని చేయించరాదని ఆదేశించింది.