చిన్నప్పటి నుండి ఆస్థమాతో బాధపడిన చే గువేరా

చే గువేరా అసలు పేరు ఎర్నెస్టో గువేరా. 1928 జూన్ 14న అర్జెంటీనాలోని రొసారియోలో ఓ మధ్యతరగతి కుటుంబంలో జన్మించారు. చిన్నప్పటి నుండి ఆస్థమాతో బాధపడుతుండేవారు. చదువులో చురుకుగా ఉండి చెస్, కవితలు చదవడం, రచనలు చేయడం ఇష్టపడేవారు. అతను బ్యూనస్ ఎయిర్స్ విశ్వవిద్యాలయంలో వైద్య శాస్త్రం చదివి, డాక్టర్ కావాలని కలలు కన్నారు. కానీ, దక్షిణ అమెరికాలో పర్యటనల్లో పేదరికం, అసమానతలు చూసి విప్లవకారుడిగా మారారు. అతని జీవితం సమానత్వం కోసం పోరాటంగా మారింది.