భారీగా పెరిగిన కూరగాయల ధరలు

తెలుగు రాష్ట్రాల్లో కూరగాయల ధరలు భారీగా పెరుగుతున్నాయి. ముఖ్యంగా టమాటా ధరలు అమాంతం పెరిగాయి. హోల్‌సేల్ మార్కెట్లు, మండీలలోనే కిలో రూ.80-90 ఉండగా.. రిటైల్ మార్కెట్‌లో రూ.100 దాటేసింది. ఉల్లి ధర కూడా రూ.70-80కి చేరింది. కిలో బెండకాయలు రూ.70, దొండకాయలు రూ.60, క్యాప్సికం రూ.80, బీరకాయ రూ.70, బీన్స్ రూ.100 చొప్పున విక్రయిస్తున్నారు. రానున్న రోజుల్లో ధరలు మరింతగా పెరిగే అవకాశం ఉందని వ్యాపారులు చెబుతున్నారు.