కిలిమంజారోపై భారీ మువ్వన్నెల జెండా

మరో నాలుగు రోజుల్లో జరగనున్న భారత 78వ స్వాతంత్య్ర దినోత్సవ వేడుకల నేపథ్యంలో ఆఫ్రికా ఖండంలోని ఎత్తైన పర్వతమైన కిలిమంజారోపై గల ఉహూరు శిఖరంపై 7,800 చదరపు అడుగుల భారీ మువ్వన్నెల జెండా అలరించింది. శనివారం ఈ విషయాన్ని వెల్లడించిన రక్షణ మంత్రిత్వశాఖ.. ‘దివ్యాంగులు’, నిరుపేద యువత తమ కలలను సాకారం చేసుకునే దిశగా స్ఫూర్తి కలిగించే లక్ష్యంతో ఈ కార్యక్రమం చేపట్టినట్లు పేర్కొంది.