చికిత్స పొందుతూ వైద్య విద్యార్థి మృతి

చికిత్స పొందుతూ వైద్య విద్యార్థి మృతి చెందిన ఘటన హైదరాబాద్‌ కేపీహెచ్‌బీలో చోటు చేసుకుంది. ఎంబీబీఎస్‌ రెండో సంవత్సరం చదువుతున్న వరుణ్‌తేజ్‌ (23) కడుపులో మంటగా ఉందని ఓ ప్రైవేటు ఆసుపత్రికి వెళ్లాడు. పరీక్షించిన వైద్యులు అపెండిసైటిస్‌గా గుర్తించారు. గురువారం శస్త్ర చికిత్స చేస్తుండగానే వరుణ్‌తేజ్‌ మృతి చెందాడు. వైద్యుల నిర్లక్ష్యం కారణంగానే చనిపోయాడని ఆరోపిస్తూ అతని కుటుంబ సభ్యులు ఆందోళనకు దిగారు.