మలక్ పేట్ ఫ్లై ఓవర్ వద్ద రోడ్డు ప్రమాదం

మలక్ పేట్ ఫ్లై ఓవర్ వద్ద శుక్రవారం రోడ్డు ప్రమాదం జరిగింది. ఎంజిబిఎస్ నుంచి మాల్ దేవరకొండకు వెళ్తున్న ఆర్టీసీ బస్సు ఓ యాక్టివా ను ఢీకొట్టింది. ఈ ఘటనలో వాహనం నడుపుతున్న యువతికి స్వల్ప గాయాలయ్యాయి. అప్రమత్తమైన బస్సు డ్రైవర్ ఆమెను ఆటోలో దగ్గర్లోని ఆసుపత్రికి తీసుకెళ్ళాడు. అయితే ప్రమాదం జరగడంతో బస్సులోని ప్రయాణికులు కిందికి దిగి కొద్దిసేపు ఇబ్భంది పడ్డారు. వారిని కండెక్టర్ వేరే బస్సులో ఎక్కించి పంపించాడు.