అమెరికాలో రోడ్డు ప్రమాదం.. హైదరాబాద్‌ యువకుడు మృతి

అమెరికాలో జరిగిన రోడ్డు ప్రమాదంలో హైదరాబాద్‌కు చెందిన సందీప్‌ కుమార్ యాదవ్ అనే యువకుడు మృతి చెందాడు. కుత్బుల్లాపూర్‌కు చెందిన రాం ఆశీష్ చిన్న కుమారుడు సందీప్‌ రెండేళ్ల క్రితం మాస్టర్స్ చేయడానికి అమెరికాలోని ఒహాయో వెళ్లాడు. ఈ నెల 17న రాత్రి తన స్నేహితుడితో కలిసి కారులో వెళ్తుండగా.. ఎదురుగా వచ్చిన మరో కారు వేగంగా ఢీకొట్టడంతో సందీప్‌ అక్కడికక్కడే ప్రాణాలు కోల్పోయాడు. అతని స్నేహితుడు స్వల్ప గాయాలతో బయటపడ్డాడు.