రాజేంద్రనగర్: మైలర్ దేవ్ పల్లిలో పేలుడు కలకలం

మైలర్ దేవ్ పల్లి పోలీస్ స్టేషన్ పరిధిలోని లక్ష్మీగూడలో ప్రజా ప్రతి శ్రీ శ్రీయాదే మాత మందిరం వద్ద సోమవారం బ్లాస్టింగ్ కలకలం రేపింది. ఆలయ ప్రాంగణంలో చెత్తను తొలగిస్తుండగా ఒక్కసారిగా పేలుడు సంభవించింది. పేలుడులో పూజరి సుగునారామ్ కు తీవ్ర గాయాలయ్యాయి. హుటాహుటిన అతన్ని ఆసుపత్రికి తరలించారు. స్థానికుల సమాచారంతో సంఘటన స్థలానికి చేరుకున్న పోలీసులు కేసు నమోదు చేసుకుని దర్యాప్తు చేపట్టారు.