హైదరాబాద్‌లో మరోసారి భారీగా డ్రగ్స్ కలకలం

హైదరాబాద్‌లో మరోసారి పెద్దమొత్తంలో డ్రగ్స్‌ పట్టుబడ్డాయి. హుమాయుం నగర్‌లో స్థానిక పోలీసులతో కలిసి హెచ్‌ న్యూ అధికారులు శుక్రవారం దాడులు నిర్వహించారు. ఈ సందర్భంగా డ్రగ్స్‌ విక్రయిస్తున్న ముఠాను అరెస్టు చేశారు. వారివద్ద 50 గ్రాముల ఎండీఎంఏను స్వాధీనం చేసుకున్నారు. ఓ విదేశీయుడితోపాటు హైదరాబాద్‌కు చెందిన ముగ్గురు డ్రగ్‌ పెడ్లర్లను అదుపులోకి తీసుకున్నారు. దాని విలువ రూ.25 లక్షలు ఉంటుందని అధికారులు వెల్లడించారు.