సీతాఫల్మండి ప్రభుత్వ పాఠశాల నిధులు విడుదల చేయాలి

సీతాఫల్మండి ప్రభుత్వ పాఠశాల నిర్మాణానికి ప్రభుత్వం కేటాయించిన నిధులను తక్షణమే విడుదల చేయాలని గురువారం లష్కర్ జిల్లా సాధన సమితి అధ్యక్షుడు గుర్రం పవన్ కుమార్ గౌడ్ డిమాండ్ చేశారు. ఈ మేరకు మంత్రి పొన్నం ప్రభాకర్ కు వినతి పత్రం అందజేశారు. అనంతరం పవన్ కుమార్ మాట్లాడుతూ పాఠశాలకు భవనం లేకపోవడంతో విద్యార్థులు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు.