మహారాష్ట్రలో ప్రజలు అభివృద్ధికి పట్టం కట్టారని ప్రధాని మోదీ అన్నారు. ఉప ఎన్నికల్లోనూ ప్రజలు ఎన్డీయే కూటమినే గెలిపించారన్నారు. ఢిల్లీలోని బీజేపీ కేంద్ర కార్యాలయంలో మోదీ ప్రసంగించారు. ‘‘మహారాష్ట్రలో ఘన విజయం సాధించాం. అబద్ధాలు, అవినీతి, కుట్రలు చేసేవారికి ప్రజలు బుద్ధి చెప్పారు. విభజన రాజకీయాలను ప్రజలు తిప్పికొట్టారు. కుటుంబ రాజకీయాలు ఓడిపోయాయి. ప్రజలు అభివృద్ధిని మాత్రమే కోరుకుంటున్నారు’’ అని మోదీ అన్నారు.