భారత సైన్యానికి ఐసీసీ చైర్మన్ జై షా సంఘీభావం

పహల్‌గామ్‌లో పర్యాటకులపై టెర్రరిస్టుల దాడి అనంతరం.. ఉగ్రవాద శిబిరాలే లక్ష్యంగా భారత సైన్యం ఆపరేషన్‌ సిందూర్‌ నిర్వహించింది. దీనికి ప్రతీకారంగా పాకిస్తాన్ విచక్షణా రహితంగా భారత పౌరులే లక్ష్యంగా దాడులకు తెగబడుతోంది. పాక్ దాడులను భారతసైన్యం సమర్థంగా తిప్పికొడుతోంది. ఈ నేపథ్యంలో ఐసీసీ ఛైర్మన్‌ జై షా భారత సైనికులకు సంఘీభావం తెలిపారు. వారి కృషి, ధైర్యసాహసాలను గురించి తన ఇన్‌స్టా స్టోరీలో ప్రస్తావించారు.