నిరుపేదలకే ఇందిరమ్మ ఇళ్లు: సీఎం రేవంత్

TG: ఇందిరమ్మ ఇళ్లపై అధికారులకు సీఎం రేవంత్ కీలక ఆదేశాలు ఇచ్చారు. మొదటి దశలో అత్యంత నిరుపేదలకు, అర్హులకు మాత్రమే ఇళ్లు కేటాయించాలని సీఎం స్పష్టం చేశారు. ఈ పథకం అమలు అత్యంత పారదర్శకంగా జరగాలని ఉన్నతస్థాయి సమావేశంలో ఆయన సూచించారు. ఇందిరమ్మ కమిటీలు.. లబ్ధిదారుల ఎంపికలో జాగ్రత్తగా పని చేయాలన్నారు. ఇందిరమ్మ ఇళ్లకు సిమెంట్, స్టీల్ తదితర సామగ్రిని సరసమైన ధరలకు అందుబాటులో ఉంచేలా చర్యలు తీసుకోవాలని అధికారులను ఆదేశించారు.