ధర్మారం: లయన్స్ క్లబ్ ఆధ్వర్యంలో సావిత్రిబాయి పూలే జయంతి వేడుకలు

ధర్మారం మండల కేంద్రంలోని ప్రభుత్వ ప్రాథమిక పాఠశాలలో లయన్స్ క్లబ్ ఆధ్వర్యంలో సావిత్రిబాయి పూలే జయంతి వేడుకలను ఘనంగా నిర్వహించారు. ఈ సందర్భంగా క్లబ్ చైర్మన్ రవీందర్ శెట్టి ఆధ్వర్యంలో సావిత్రిబాయి చిత్రపటానికి పూలమాలలు వేసి నివాళులర్పించారు. సావిత్రిబాయి ఆశయ సాధనకు పునరంకితం కావాలని రవీందర్ శెట్టి కోరారు. అనంతరం పాఠశాల మహిళా ఉపాధ్యాయులు అంజలి, సుభాషిని, రజిత, జ్యోతి గార్లను శాలువాతో సన్మానించారు.