రోడ్డు ప్రమాదంలో ఒకరి మృతి
జగిత్యాల రూరల్ మండలం కల్లెడ వద్ద శుక్రవారం తెల్లవారుజామున జరిగిన రోడ్డు ప్రమాదంలో ఒక వ్యక్తి మృతి చెందగా మరొకరికి తీవ్ర గాయాలయ్యాయి. హైదర్ పల్లికి చెందిన పోచయ్య, సాగర్ లు బంధువుల ఇంటికి వెళ్లి వస్తుండగా తిరుగు ప్రయాణంలో వీరు ప్రయాణిస్తున్న ద్విచక్ర వాహనం గేదెను ఢీ కొట్టగా పోచయ్య సంఘటన స్థలంలోనే మృతి చెందాడు. తీవ్రంగా గాయపడిన సాగర్ ను చికిత్స నిమిత్తం జగిత్యాలలో ఓ ప్రైవేట్ ఆసుపత్రికి తరలించారు.
