బాన్సువాడలో నిరసన తెలిపిన జర్నలిస్టులు

కామారెడ్డి జిల్లా బాన్సువాడ పట్టణంలో పత్రికా సంపాదకులపై అక్రమ కేసులు బనాయించడం హేయమైన చర్య అని జర్నలిస్టులు శనివారం ఆరోపించారు. పట్టణంలోని అంబేడ్కర్​ చౌరస్తాలో నిరసన తెలిపారు. సాక్షి ప్రధాన సంపాదకుడిపై ఏపీ పోలీసులు అక్రమంగా కేసులు పెట్టారని, అనుమతి లేకుండానే ఆయన ఇంట్లో సోదాలు చేయడం సరైంది కాదన్నారు. ఈ కార్యక్రమంలో ప్రెస్ క్లబ్ అధ్యక్ష కార్యదర్శులు సుధాకర్ గౌడ్, చంద్రశేఖర్, విలేకరులు, తదితరులు పాల్గొన్నారు.