కామారెడ్డి: నంబర్ ప్లేట్ లేకుంటే కఠిన చర్యలు: జిల్లా ఎస్పీ

నంబర్ ప్లేట్ లేకుండా వాహనాలు నడిపితే కఠిన చర్యలు తీసుకుంటామని జిల్లా ఎస్పీ రాజేష్ చంద్ర అన్నారు. గురువారం పట్టణంలోని నిజాంసాగర్ చౌరస్తా, నర్సన్నపల్లి వద్ద వాహనాల తనిఖీని పరిశీలించారు. ఈ సందర్భంగా ఆయన మాట్లాడుతూ ర్యాష్ డ్రైవింగ్, మైనర్లు వాహనం నడిపితే కఠిన చర్యలు తీసుకుంటామని హెచ్చరించారు. ఈ విషయమై ప్రత్యేక దృష్టి పెట్టినట్లు చెప్పారు. వాహనదారులు ట్రాఫిక్ నిబంధనలు పాటించాలని, హెల్మెట్, సీట్ బెల్ట్ ధరించాలన్నారు.