ఎల్కతుర్తి: ఘనంగా బాలల దినోత్సవం వేడుకలు

ఎల్కతుర్తి మండలం ఇందిరానగర్ లోని శ్రీ చైతన్య పాఠశాలలో గురువారం పాఠశాల ప్రిన్సిపాల్ రాజిరెడ్డి అధ్యక్షతన బాలల దినోత్సవ వేడుకలు ఘనంగా నిర్వహించారు. భారత మొదటి ప్రధాని పండిత జవహర్ లాల్ నెహ్రూ చిత్రపటానికి పూల మాలలు వేసి నివాళులర్పించారు. పాఠశాలలో స్వయం పరిపాలన దినోత్సవం నిర్వహించారు. విద్యార్థులు చేసిన సాంస్కృతిక కార్యక్రమాలు ఆకట్టుకున్నాయి. డీన్ రజనీకాంత్, ఉపాధ్యాయులు మధు, విద్యార్థులు పాల్గొన్నారు.