కోరుట్ల: మున్సిపల్ కార్మికులను ఢీకొన్న ఆర్టీసీ బస్సు

జగిత్యాల జిల్లా కోరుట్ల పట్టణంలో పాత బస్టాండ్ వద్ద మున్సిపల్ పారిశుద్ధ్య కార్మికులను గురువారం తెల్లవారుజామున బోధన్ డిపో కు చెందిన ఆర్టీసీ బస్సు ఢీకొనడంతో ఆరుగురికి తీవ్ర గాయాలయ్యాయి. కార్మికులు విధులలో భాగంగా ట్రాక్టర్లో వెళుతుండగా ఈ ప్రమాదం జరిగింది. కార్తీక్, బైరి రాధా, సుగుణ, తార, గంగు, రేణుకలకు తీవ్ర గాయాలైనట్లు తెలిసింది. మెరుగైన వైద్యం కోసం జగిత్యాల ప్రభుత్వ హాస్పిటల్ కు తరలించారు.