క్రొయేషియాలో జరిగిన 'గ్రాండ్‌ చెస్‌ టోర్నమెంట్‌' ర్యాపిడ్‌ విభాగంలో భారత్‌కు చెందిన ప్రపంచ ఛాంపియన్‌ దొమ్మరాజు గుకేశ్‌ టైటిల్‌ను గెలుచుకున్నాడు. తొమ్మిది రౌండ్లలో 14 పాయింట్లు సాధించి అగ్రస్థానంలో నిలిచాడు. చివరి రౌండ్‌లో వెస్లీ సోపై గెలిచిన గుకేశ్‌ మొత్తం 6 విజయాలు, 2 డ్రాలు, ఒక్క ఓటమితో బలమైన ప్రదర్శన చూపించాడు. 6వ రౌండ్‌లో మాగ్నస్‌ కార్ల్‌సన్‌పై గెలిచిన గుకేశ్‌ మరోసారి తన ప్రతిభను చాటాడు.