ప్రతి మూడు కౌంటర్లకు సూపర్వైజర్ ఆఫీసర్ నియామకం

వరద బాధితులకు ప్రభుత్వం మంజూరు చేసిన సాయం అందని వారి కోసం కేఎంసీ అధికారులు ప్రత్యేక కేంద్రాలను ఏర్పాటు చేస్తున్నారు. బ్యాంక్ ఖాతాల వివరాలు తప్పుగా నమోదైన వారి కోసం 14 డివిజన్లకు కలిపి 9 కేంద్రాలను ఏర్పాటు చేశారు. అక్కడే సిబ్బందిని ఉంచి, వివరాలు సరి చేసేలా చర్యలు చేపట్టారు. దీని కోసం ఒక్కో కేంద్రంలో బిల్ కలెక్టర్, కంప్యూటర్ ఆపరేటర్లు ఏర్పాటు చేసి, పర్యవేక్షణ బాధ్యతలను ఆర్ఐలకు శనివారం అప్పగించారు.