ఖమ్మం: పోటు ప్రసాద్ భౌతికకాయానికి మాజీ మంత్రి నివాళి

నిన్న గుండెపోటుతో మరణించిన సీపీఐ జిల్లా కార్యదర్శి పోటు ప్రసాద్ మృతదేహాన్ని గురువారం ఖమ్మం నగరంలోని మమత ఆసుపత్రి మార్చురీ నందు మాజీ మంత్రి పువ్వాడ అజయ్ కుమార్-వసంతలక్ష్మి దంపతులు సందర్శించి పూలమాల వేసి నివాళులు అర్పించారు. పోటు ప్రసాద్ ఆత్మకు శాంతి చేకూరాలని దేవుణ్ణి ప్రార్ధించారు. వారి మరణం తీరని లోటని, వారితో ఉన్న అనుబంధాన్ని గుర్తు చేసుకున్నారు. అనంతరం వారి కుటుంబ సభ్యులను పరామర్శించి, ఓదార్చారు.