తొడితలగూడెం లో ఘనంగా చెరువు పండగ

దశాబ్ది ఉత్సవాల్లో భాగంగా ఊరురా చెరువుల పండగ సందర్భంగా మండల పరిధిలోని తొడితలగూడెంలో చెరువుల పండుగ ఘనంగా నిర్వహించారు. బీఆర్ఎస్ పార్టీ మండల అధ్యక్షుడు పెద్దబోయిన ఉమాశంకర్-సర్పంచ్ కుమార్ ల ఆధ్వర్యంలో మహిళలంతా బోనమెత్తి డప్పు నృత్యాలతో చెరువు వద్దకు చేరుకుని కట్టమైసమ్మకు ప్రత్యేక పూజలు చేశారు. పెద్ద చెరువు కట్ట వద్ద మహిళలు బతుకమ్మలు ఆడుతూ ఆటపాటలతో సందడి చేశారు. ఈ సందర్భంగా ఉమా శంకర్, సర్పంచ్ కుమార్ లు మాట్లాడుతూ తెలంగాణ రాష్ట్రంలో ప్రతి పల్లెలో ప్రతి కుటుంబం సంక్షేమ పథకాలతో లబ్ధి పొందారంటే అది సీఎం కేసీఆర్ చలవే అని, సంక్షేమ పథకాల అమలులో తెలంగాణ రాష్ట్రం ఇతర రాష్ట్రాలకు ఆదర్శంగా నిలిచిందని అన్నారు. కులాలతో సంబంధం లేకుండా అన్ని వర్గాలకు అనేక రకాలైన పథకాలతో ఆర్థిక స్వల్వంబన ఒక తెలంగాణ రాష్ట్రం తోనే సాధ్యమవుతుందని ఈ సందర్భంగా తెలిపారు. ఈ కార్యక్రమంలో సర్పంచ్ కుమార్, సెక్రటరీ మాలోత్ఉమా, ప్రత్యేక అధికారి డిఈ. వెంకట్ నాయక్, గ్రామ శాఖ అధ్యక్షులు, తదితరులు పాల్గొన్నారు.