భర్తపై దాడి చేసి భార్య మెడలో బంగారం చోరీ
అశ్వరావుపేట మండలం నారం వారి గుడి కాలనీలో బుధవారం తెల్లవారుజామున దొంగలు బీభత్సం సృష్టించారు. తుమ్మలపల్లి సూరిబాబు ఇంట్లోకి ప్రవేశించి అతన్ని చితకబాది అతని భార్య మెడలో ఉన్న సుమారు 6 కాసుల బంగారు పుస్తెలతాడును దుండగులు లాక్కొని వెళ్లారు. దొంగల దాడిలో సూరిబాబు తీవ్రంగా గాయపడ్డాడు. విషయం తెలుసుకున్న పోలీసులు ఘటనా స్థలానికి వెళ్లి దర్యాప్తు చేస్తున్నారు. గ్రామంలోని సీసీ కెమెరాల ఫుటేజీలను పరిశీలిస్తున్నారు.
