భద్రాచలం రామయ్యకు వైభవంగా వసంతోత్సవం

శ్రీరామనవమి అనంతరం నూతన వధూవరులైన సీతారాములకు వసంతోత్సవం నిర్వహించడం ఆనవాయితీ. ఈ క్రమంలో శుక్రవారం ఈ వేడుకను వైభవంగా నిర్వహించార. మేళతాళాలు, వేదపండితుల మంత్రోచ్చరణల నడుమ స్వామివారి ఉత్సవ మూర్తులను అంతరాలయంలో ప్రత్యేకంగా అలంకరించి బేడా మండపంలోని నిత్యకళ్యాణ వేదికపై కొలువు దీర్చారు. విశ్వక్సేన పూజ, పుణ్యాహవచనం తదితర పూజలు చేసిన అర్చకులు పసుపులోకి లక్ష్మీదేవిని ఆవాహన చేశారు.