బొలెరో వాహనాన్ని ఢీకొట్టిన బైక్.. యువకుడు మృతి

ధరూర్ మండల పరిధిలోని కొత్తపాలెం గ్రామ శివారులో బొలెరో వాహనాన్ని బైక్ బలంగా ఢీకొట్టడంతో ఒకరు మృతి చెందారు. కేటి దొడ్డి మండలం ఇర్కిచేడు తండా గ్రామానికి చెందిన రవీందర్ నాయక్ (23) ఆదివారం రాత్రి కొత్తపాలెం వద్ద పొలం పనులకు వెళ్లాడు. పని మీద కోతుల గిద్ద స్టేజ్ కి వెళ్లి తిరిగి వెళ్లుతుండగా గ్రామ శివారులో బొలెరో వాహనాన్ని బైకు ఢీకొట్టింది. దీంతో రవీందర్ ఘటన స్థలంలో మృతి చెందాడు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సె అబ్దుల్ షుకూర్ తెలిపారు.