జడ్చర్ల: వేలాడుతున్న విద్యుత్ తీగలు.. ఇబ్బందుల్లో రైతులు

మహబూబ్ నగర్ జిల్లా జడ్చర్ల నియోజకవర్గం బాలానగర్ మండలం పెద్ద రేవల్లిలో వ్యవసాయ పొలంలో విద్యుత్ తీగలు ప్రమాదభరితంగా ఉన్నాయి. వరి కోతలు కోసే సమయంలో ఇబ్బందులు పడుతున్నామని రైతులు తెలిపారు. రాత్రి వేళలో గుర్తు తెలియని వ్యక్తులు ఆ మార్గం గుండా వెళ్తే విద్యుత్ షాక్ కు గురై మరణించే అవకాశం ఉందని రైతులు అన్నారు. ప్రమాదభరితంగా ఉన్న విద్యుత్ తీగలను సంబంధిత అధికారులు స్పందించి సరిచేయాలని రైతులు కోరారు.