నారాయణపేట్: అట్టహాసంగా దివ్యాంగుల క్రీడా పోటీలు

దివ్యాంగులను ఎవరు చిన్నచూపు చూడవద్దని, దివ్యాంగులు ఆందోళన చెందకుండా ముందుకు సాగుతూ అన్ని రంగాల్లో రాణించాలని కలెక్టర్ సిక్తా పట్నాయక్ అన్నారు. శనివారం నారాయణపేట మినీ స్టేడియంలో అంతర్జాతీయ దివ్యాంగుల దినోత్సవం సందర్భంగా నిర్వహించిన జిల్లా స్థాయి క్రీడలను కలెక్టర్ ప్రారంభించారు. అవయవాలు పని చేయడం లేదని ఆవేదన చెందకుండా క్రీడలలో, ఉద్యోగ రంగాలలో దివ్యాంగులు రాణించాలని కోరారు.