పత్తి గోదాములో భారీ అగ్నిప్రమాదం

TG: మేడ్చల్ జిల్లా పూడూరు గ్రామంలోని కాటన్ కార్పొరేషన్ ఆఫ్ ఇండియాకు చెందిన పత్తి గోదాములో భారీ అగ్నిప్రమాదం సంభవించింది. మంటలు పెద్దఎత్తున ఎగసిపడుతుండటంతో.. నాలుగు ఫైర్‌ ఇంజిన్‌లతో సిబ్బంది మంటలను అదుపులోకి తెస్తున్నారు. ప్రమాద సమయంలో అందులో పని చేస్తున్న కార్మికులు సురక్షితంగా బయటకు రావడంతో పెను ప్రమాదం తప్పింది. భారీగా మంటలు చెలరేగడంతో గోదాము కుప్పకూలిపోయింది. పోలీసులు కేసు నమోదు చేశారు.