ట్రాఫిక్ నిబంధనలపై వాహనదారులకు అవగాహన: ఎస్సై యాదగిరి

మెదక్ జిల్లా చిలిపిచేడ్ మండలం చిట్కుల్ గ్రామ శివారులో పోలీసులు వాహన తనిఖీలు చేపట్టారు. జోగిపేట, మెదక్ ప్రధాన రహదారిపై ఎస్సై యాదగిరి ఆధ్వర్యంలో సోమవారం ప్రత్యేక తనిఖీలు నిర్వహించారు. ట్రాఫిక్ నిబంధనలపై వాహనదారులకు అవగాహన కల్పించారు. ప్రతి ఒక్కరూ డ్రైవింగ్ లైసెన్స్ కలిగి ఉండాలని, హెల్మెట్, సీట్ బెల్ట్ ధరించి మాత్రమే వాహనాలు నడపాలని సూచించారు. ఈ కార్యక్రమంలో అధికారులు, వాహనదారులు తదితరులు ఉన్నారు.