తప్పిన ప్రమాదం.. అదుపు తప్పి బ్రిడ్జ్‌ను ఢీకొన్న ఆర్టీసీ బస్సు

TG: సంగారెడ్డి జిల్లాలో ఘోర రోడ్డు ప్రమాదం జరిగింది. ఆందోల్ మండలం కన్సాన్‌ పల్లి నేషనల్ హైవే 161 పై ఆర్టీసీ బస్సు అదుపుతప్పి బ్రిడ్జిని ఢీకొట్టింది. శుక్రవారం ఉదయం ఈ ఘటన చోటుచేసుకుంది. ఈ ఘటనలో పలువురికి గాయాలయ్యాయి. ప్రమాద సమయంలో బస్సులో 60 మంది ప్రయాణికులు ఉన్నారు. అయితే బస్సు బ్రిడ్జి రెయిలింగ్‌ పైకి ఎక్కి ఆగిపోవడంతో పెను ప్రమాదం తప్పింది. ఈ ప్రమాదంపై పోలీసులు కేసు నమోదు చేసి దర్యాప్తు చేస్తున్నారు.