నాగర్ కర్నూల్: ఆర్టీసీ బస్సుల్లో చార్జీల బాదుడు

అచ్చంపేట నుంచి హైదరాబాద్ కు వెళ్లే ప్రయాణికులకు ఆర్టీసీ అధికారులు పెద్ద షాక్ ఇచ్చారు. ఒకేసారి టికెట్ ధర 130 రూపాయలు పెంచారు. దీంతో ప్రయాణికులు లబోదిబోమంటున్నారు. రోజు హైదరాబాద్ కు ప్రయాణికులను చేరవేసే సాధారణ ఎక్స్ ప్రెస్ బస్సుల్లో ఈ చార్జీల బాదుడు ప్రయాణికులకు దడ పుట్టిస్తుంది. గురువారం వరకు అచ్చంపేట నుంచి హైదరాబాద్కు 220 రూపాయల టికెట్ ఉండగా శనివారం 330 రూపాయలకు పెరిగింది.