మిస్ వరల్డ్‌ పోటీల్లో భాగంగా తెలంగాణ సచివాలయం వద్ద ఏర్పాటు చేసిన వివిధ దేశాల జెండాల్లో ఇజ్రాయెల్ జెండాను ఒక యువకుడు తొలగించిన ఘటన కలకలం రేపింది. జకీర్‌ అనే యువకుడు ఈ చర్యను సామాజిక మాధ్యమాల్లో లైవ్‌స్ట్రీమ్‌ చేసి జెండా తొలగించాడు. ఈ ఘటనపై పోలీసులు స్పందించి అతని మీద పలు సెక్షన్ల కింద కేసు నమోదు చేశారు. ఇదిలా ఉండగా, ఘటన జరిగిన తరువాత అధికారులు వెంటనే ఇజ్రాయెల్ జెండాను తిరిగి స్థాపించారు.