చేపూర్ దత్త సాయి ఆలయంలో అన్నదాన కార్యక్రమం

ఆర్మూర్ మండలంలోని చేపూర్ గ్రామ శివారులో గల దత్త సాయి ఆలయంలో గురువారం భక్తులు దత్త సాయినాథుల విగ్రహాలకు పంచామృతాలతో అభిషేకాలు, పూజలు చేశారు. తర్వాత పూజారి కిరణ్ జోషి సాయిబాబాకు హారతి ఇచ్చి, భక్తులకు తీర్థ ప్రసాదాలు అందజేశారు. ఆర్మూర్ పట్టణ పద్మశాలి సంఘం అధ్యక్షులు, ఐవోసీఎల్ (ఎల్పీజీ) మోర్తాడ్ డీలర్ అంబాల శ్రీనివాస్ కుటుంబ సభ్యుల ఆధ్వర్యంలో అన్నదాన కార్యక్రమాన్ని నిర్వహించారు.