నిజామాబాద్: ఆటో బోల్తా పడి యువకుడి మృతి

నిజామాబాద్ నగరంలోని కసాబ్ గల్లీకి చెందిన ఓ యువకుడు తన సోదరి వద్దకు వెళ్లి వస్తుండగా తిరుగు ప్రయాణంలో ఆటో బోల్తా పడి మృతి చెందిన ఘటన మంగళవారం రాత్రి చోటుచేసుకుంది. వివరాల్లోకి వెళితే.. కసాబ్ గల్లికి చెందిన చంద్రకాంత్ తన సోదరిని చూడడానికి తన సొంత ఆటోలో గజ్వేల్ కు వెళ్లాడు. తిరిగి నిజామాబాద్ వస్తుండగా మార్గ మధ్యలో రాంపూర్ మూల మలుపు వద్ద ఆటో అదుపుతప్పి రోడ్డు పక్కకు గుంతలో పడి చంద్రకాంత్ స్పాట్ డెడ్ అయ్యారు.