ఫోన్ ట్యాపింగ్ కేసు.. హరీశ్‌రావుకు హైకోర్టులో ఊరట

బీఆర్‌ఎస్ ఎమ్మెల్యే హరీశ్ రావును ఈనెల 12 వరకు అరెస్టు చేయొద్దని తెలంగాణ హైకోర్టు ఆదేశించింది. గతంలో ఫోన్ ట్యాపింగ్ కేసులో హరీశ్ రావుపై పంజాగుట్ట పోలీస్‌ స్టేషన్‌లో కేసు నమోదైంది. ఈ క్రమంలో ఈ కేసును కొట్టి వేయాలని హరీశ్ రావు హైకోర్టును ఆశ్రయించారు. ఈ కేసును విచారించిన హైకోర్టు తదుపరి విచారణను ఫిబ్రవరి 12కు వాయిదా వేసింది. అప్పటి వరకు హరీశ్ రావును అరెస్టు చేయొద్దని పోలీసులను ఆదేశించింది.