ఘనంగా ఐలమ్మ జయంతి వేడుకలు

పరిగి నియోజకవర్గం అమ్మాయిలందరూ ఐలమ్మను ఆదర్శంగా తీసుకోవాలని రజక సంఘం సభ్యులు తెలిపారు. పోరాట యోధురాలు చాకలి ఐలమ్మ 129వ జయంతిని గురువారం మండల కేంద్రంలో ఘనంగా నిర్వహించారు. ఈ సందర్భంగా వారు మాట్లాడుతూ, పెత్తందారి వ్యవస్థను, పటేల్ పట్వారి వ్యవస్థను ధైర్యంగా ఎదుర్కొని పేద ప్రజల పక్షాన పోరాడిన వీర వనిత చాకలి ఐలమ్మ అని తెలిపారు. రజక సంఘం సభ్యులు, వివిధ సంఘాల సభ్యులు, రాజకీయ పార్టీల నాయకులు పాల్గొన్నారు.