భాగ్యలక్ష్మి కాలనీలో నాలా రిపేర్ పనులు ముమ్మరం

కుత్బుల్లాపూర్ భాగ్యలక్ష్మి కాలనీలో రోడ్ నెంబర్-4 లో గత 4,5 నెలలుగా నాళాల లీకేజీపై పలుమార్లు స్థానికులు ఆందోళన వ్యక్తం చేయడంతో ఎట్టకేలకు అధికారులు స్పందించారు. హెచ్ఎండబ్ల్యూఎస్ఎస్ అధికారి రవికుమార్ ఆధ్వర్యంలో నాలా రిపేర్ పనులు ముమ్మరంగా సాగుతున్నట్లు స్థానిక కాలనీ నాయకులు నరేందర్ రెడ్డి బుధవారం తెలిపారు. నాలా రిపేర్ సకాలంలో పూర్తి చేసి భవిష్యత్ లో మళ్ళీ నాలా లీకేజీ కాకుండా చర్యలు చేపట్టాలని వారు కోరారు.