రాయికోడ్: వైభవంగా దేవి దేవతల విగ్రహాల ఊరేగింపు మహోత్సవం

సంగారెడ్డి జిల్లా మండల కేంద్రమైన రాయికోడ్ లోని హనుమాన్ మందిరం పునఃప్రారంభం మహోత్సవంలో భాగంగా శనివారం హనుమంతుడికి అభిషేకం ప్రత్యేక పూజా కార్యక్రమాలు నిర్వహించారు. భక్తులందరూ భక్తిశ్రద్ధలతో భజన చేసుకుంటూ, పురవిధులగుండా దేవి దేవతల విగ్రహాల ఊరేగింపు మహోత్సవాన్ని ఘనంగా నిర్వహించారు. అలాగే ఆలయ సన్నిధిలో అర్చకుల ద్వారా మండప ప్రవేశం పుణ్యవాచనము, మహాహారతి ఇచ్చి తీర్థప్రసాదాల వితరణ చేయడం జరిగింది.