వట్‌పల్లి: పంటల మధ్య జోరుగా గంజాయి సాగు

వట్‌పల్లి: మండలంలోని ఉసిరికపల్లి గ్రామంలో నమ్మదగిన సమాచారంతో శనివారం ఎక్సైజ్‌ అధికారులు దాడులు చేశారు. ఉసిరికపల్లిలో మన్నె విఠల్‌ పత్తిలో అంతర పంటగా గంజాయి సాగు చేస్తున్నాడనే సమాచారంతో ఎక్సైజ్‌ సిబ్బంది దాడి చేసి 16 కిలోల ఎండు గంజాయి, 17 పచ్చి గంజాయి మొక్కలను స్వాధీనం చేసుకున్నారు. సాగుదారుడిని అదుపులోకి తీసుకుని రిమాండ్‌కు తరలించారు. ఎక్సైజ్‌ ఎస్సై అనిల్‌, సిబ్బంది తదితరులు పాల్గొన్నారు.