గుజరాత్‌ అహ్మదాబాద్‌లోని మేఘని నగర్ ప్రాంతంలో జరిగిన విమాన ప్రమాదంపై ప్రధాని మోదీ సమీక్ష చేపట్టారు. కేంద్రమంత్రులు అమిత్‌షా, రామ్మోహన్‌కు మోదీ ఫోన్ చేశారు. విమాన ప్రమాదంపై ఆరా తీశారు. ఎప్పటికప్పుడు పరిస్థితి తనకు తెలియజేయాలని సూచించారు. ఈ మేరకు ఘటనా స్థలానికి కేంద్రమంత్రి రామ్మోహన్ బయల్దేరి పరిస్థితిని సమీక్షిస్తున్నారు. విమానాశ్రయం నుంచి దాదాపు 15 కిలోమీటర్లు దూరంలో ఈ ప్రమాదం జరిగిందని సమాచారం.