సిరిసిల్ల: సెలవులకు వీడ్కోలు.. పాఠశాలల్లో విద్యార్థుల సందడి

సిరిసిల్ల పట్టణంలోని పలు ప్రభుత్వ పాఠశాలలు గురువారం విద్యార్థులతో కిటకిటలాడాయి. వేసవి సెలవులు ముగియడంతో పాఠశాలలు మళ్లీ ప్రారంభమయ్యాయి. విద్యార్థులు ఉత్సాహంగా హాజరై ఉపాధ్యాయుల బోధనను శ్రద్ధగా విన్నారు. మొదటి రోజే గణనీయమైన హాజరు నమోదవడం పట్ల ఉపాధ్యాయులు సంతోషం వ్యక్తం చేశారు. పాఠ్యపుస్తకాలు, యూనిఫారాలు విద్యార్థులకు పంపిణీ చేసినట్లు అధికారులు తెలిపారు. తల్లిదండ్రుల సహకారంతో విద్యారంభం సజావుగా సాగుతోంది.